Aukroger Speelkrink

Aus Aukrug Geschichte Wiki
Wechseln zu: Navigation, Suche
Reinhold Ohm liest auf Plattdeutsch vor
Ursel Ohm (2. von links) im Kreise der Mitspieler

Die Aukroger Speelkrink ist eine plattdeutsche Theatergruppe und wurde 1979 auf Initiative von Reinhold Ohm gegründet.

Uns plattdütsch Theaterkrink

von Ursel Ohm

„Alle Daag en beten Freid bruukt de Minsch to'n Leben! Un wenn he düt beeten Freid annern kann geben, warn darut en lüür-lütt Glück un kummt op een sülvst trüch!" Mit düsse Wöör heff ik bi unse letzten Opföhrungen dat Publikum begrööt, denn wi wüllt nix anneres as Freid maken un hebbt ok sülfst veel Spaß an't Speelen. Unse plattdütsche Speelkrink is nu all sößteihn Jahr old. In Verbinnung mit de Aukröger Volkshochschool hett mien Mann Reinhold Ohm düssen Krink 1979 gründt.

Föffteihn Lüüd hebbt sik damals meldt. Hüüt sünd noch dree Speelers dorvun aktiv darbi. Dat sünd Hermann Reimers, Frauke Müller un Wiebke Struve. So hebbt wi in düsse Tied 'n ganse Reeg Eenakter, toletzt ok twee Dreeakter, op de Bühn bröcht un kunnen allemal vör en vullen Saal speeln. Uns plattdütsch Theater kreeg jümmer mehr Frünn'. Wi hebbt nich blots bi Lipp op'n Saal speelt, sünnern ok in Wasbek, Gnutz, in de Aukroog-Kli- nik, in Dätgen, in de „Reichshalle" un dat Krankenhuus in Niemünster, in Brügge, Bordesholm un Hohenwestedt. So kunnen wi veel beleven!

Spaß hebbt wi hatt, as dat Fernsehteam vun „Queerbeet" keem. För de Sendung hebbt wi bi „Marga" in Gnutz op de Bühn en lütten Sketch opföhrt, so ut'n „Stegreif'. Dor hebbt wi den lütten Striet vun fröher twischen de Gnutzer un Inner dorstellt. Den annern Dag weern wi denn in't „Nordschau-Magazin" to sehn.

Un denn weern wi in'n April 1992 op'n tweeten Kreistheaterdag in Rendsborg mit darbi. Op de Bühn vun de Herderschool hebbt wi den Eenakter „De Kurschatten" geben. Uns Speelers hebbt ehr Saak bannig goot maakt. Ok uns Aukröger Kinner hebbt mit dat vergnögte Speel vun den Wettloop twüschen Haas un Swienegel veel Freid maken kunnt.

In'n Fröhjahr 1993 bün ik mit de Kinnergrupp op'n Scheersbarg to'n „Niederdeutschen Spielgruppentref-fen" ween. Dor weern alle „Fach-lüüd" tohoop. De weern vun de Speelfreid vun unse Jungs un Deems ut Aukroog ganz begeistert, un wi kreegen bannig veel „Vörhänge". 12 Jahr speel ik ok all mit de Kinner bi de Wiehnachtsfiern in de Aukroog-Klinik. In dat Jahr 1993 hebbt wi uns to'n ersten Mal an enen Dreeakter ranwagt. Wi hebbt — bi mi in'n Keller — düchtig öven müsst. Dat Stück heet „Dat Inserat" un wurr toerst in Wasbek un Gnutz opföhrt, un wat stünn dorna in't Blatt?! „Die Aukruger Laiendarsteller liefern in dem Stück eine Leistung ab, wie man sie nicht alle Tage zu sehen bekommt. Herausragend ist die Leistung von Monika Mahlke, die als schwerhörige Oma so überzeugend alles mißversteht, daß man sie sofort zum Ohrenarzt schicken möchte. Und ein weiterer Glanzpunkt ist der Auftritt von Jörg Bracker, der als tangotanzende Hausherrin den Zuschauern Lachtränen auf das Gesicht zauberte."

Den Eenakter „Haar in de Supp" hebbt wi dreemal opföhrt; toletzt an'n 5. 11.94 op dat grote Fest vun de Volkshochschool. De is ja dörtig Jahr old worm. Glieks dama sünd wi mit de Leseproben vun en nien Dreeakter anfungen. „Ja, so en Kerl bün ik" heet dat Stück. Düttmal speeln Frauke Müller, Monika Mahlke, Margrit Böttke, Jörg Bracker, Jürgen Göttsche und Hermann Reimers mit.

Alle Speelers vun uns Krink köönt en ganz lütt beten stolt ween op dat, wat wi toweeg bröcht hebbt. Overall, wo wi speelt hebbt, dörft wi geern wed- derkamen un wi hebbt veel nie'e Frünn funnen. De Speelkrink weer mien'n Mann — he is 1988 storven — an't Hart wussen, dorüm föhr ik de Krink mit Hölp vun Wiebke Struve un all de annern Speelmaten wieder, denn mit unse Theaterabende maakt wi veel Freid un deent unse plattdüütsche Spraak.

Speelmaten vun de plattdütsche Speelkrink

aktive Spieler 1993:

Martina Heesch, Monika Mahlke, Frauke Müller, Hermann Reimers, Jörg Bracker, Jürgen Göttsche, Willi Rathjen, Birgit Köpke, Uta Struve

zur Verfügung bzw. Helfer:

Volker Rogge, Gerd Böttke, Albert Gall, Helmut Alke, Helga Niemann, Antje Michaelsen, Hauke Andersen

Leitung:

Wiebke Struve, Ursel Ohm

Seit Gründung des Spielkreises spielten mit

Lothar und Helga Niemann, Ehrhardt Koopmann, Hans Wilhelm Biermann, Erika Grunow, Rosemarie Michaelsen, Claus Cohrt, Dieter Milkereit, Hinnerk Harms, Jan Engler, Peter Laser, Diana Stahmer, Ulrike Saunus, Harald Bek, Horst Raabe, Bärbel Thom, Annegret Vetterick, Rita Butenschön, Wiebke Struve, Gudrun Kruse, Anke Hennings, Britta Hennings, Kirsten Gloe, Ruth Friederich, Christian Wenzel

Siehe auch